महाराष्ट्र महाविद्यालयाच्या रासेयो शिबिराचे लांबोट्यात उद्घाटन
निलंगा: येथील महाराष्ट्र महाविद्यालयाच्या राष्ट्रीय सेवा योजनेचे वार्षिक विशेष शिबिर मौजे लांबोटा येथे आयोजित करण्यात आले आहे. या उद्घाटन समारंभास अध्यक्ष म्हणून महाविद्यालयाचे प्राचार्य डॉ. माधव कोलपूके उपस्थित होते. तर उद्घाटन समारंभास प्रमुख पाहुणे म्हणून नानासाहेब देशमुख, उपप्राचार्य प्रशांत गायकवाड, सेवानिवृत्त प्राध्यापक वसंत मोरे हे उपस्थित होते. उद्घाटन समारंभात प्रमुख पाहुणे म्हणून मार्गदर्शन करत असताना प्रशांत गायकवाड यांनी राष्ट्रीय सेवा योजना आणि वार्षिक विशेष शिबिर आयोजना पाठीमागचा उद्देश व्यक्त केला. विद्यार्थ्यांनी या सात दिवशीय शिबिराच्या माध्यमातून नेतृत्व गुण विकसित करावेत असा संदेश दिला. ग्रामस्थांची भूमिका मांडत असताना ग्रामपंचायत सदस्य वसंत मोरे यांनी गावाचा सर्वांगीण विकास व्हावा या हेतूने शिबिर लांबोटा या गावात आयोजित केले असून या शिबिराच्या माध्यमातून गाव व गाव परिसरात पर्यावरण व नैसर्गिक साधनसंपत्तीच्या संवर्धनासाठी हे शिबिर महत्त्वाचे ठरेल असा आशावाद व्यक्त केला. अध्यक्षीय समारोप करत असताना उद्घाटन समारंभाचे अध्यक्ष महाविद्यालयाचे प्राचार्य डॉ. माधव कोलपूके यांनी या सात दिवशीय शिबिरांमधून विद्यार्थ्यांनी स्वावलंबन, श्रमसंस्कार ही मूल्ये आत्मसात करत असतानाच सेवाभावी वृत्ती विकसित करावीत. राष्ट्रीय सेवा योजना विद्यार्थ्यांमध्ये हे गुण विकसित करण्याचे महत्त्वाचे कार्य करते. शिबिरार्थी विद्यार्थ्यांनी बौद्धिक व उद्बोधन पर कार्यक्रमांतून चारित्र्य संवर्धनासाठी मौलिक असे संदेश आत्मसात करावेत अशी भूमिका याप्रसंगी त्यांनी व्यक्त केली. उद्घाटन समारंभाचे प्रास्ताविक करत असताना कार्यक्रम अधिकारी डॉ. सुभाष बेंजलवार यांनी सात दिवशीय शिबिरामध्ये आयोजित होणाऱ्या विविध कार्यक्रमांची रूपरेषा मांडली. तर या कार्यक्रमाचे संचालन शिबिरार्थी विद्यार्थिनी योगिता शिरुरे हीने केले. या कार्यक्रमाचे आभार प्रदर्शन राष्ट्रीय सेवा योजनेचे कार्यक्रम अधिकारी डॉ. विठ्ठल सांडूर यांनी केले. शिबिराच्या उद्घाटन समारंभ महाविद्यालयातील प्राध्यापक शिक्षकेतर कर्मचारी व शिबिरार्थी विद्यार्थी आणि ग्रामस्थ मोठ्या संख्येने उपस्थित होते या उद्घाटन समारंभाच्या यशस्वीतेसाठी भागवत सारगे, दत्तात्रय गड्डीमे, प्रा. वसंत मोरे, दत्तात्रय वाडीकर, मुख्याध्यापक बिराजदार टि.पी, बंडू वाडेकर, उमाजी तोरकड, प्रकाश सुरवसे यांनी विशेष परिश्रम घेतले.
0 Comments