पनवेल येथील जावळे गावातील बेकायदेशीर गावठी हातभट्टीवर गुन्हे शाखा कक्ष - २ ची कारवाई

पनवेल येथील जावळे गावातील बेकायदेशीर गावठी हातभट्टीवर गुन्हे शाखा कक्ष - २ ची कारवाई                      

पनवेल:(दीपक सोळुंके) कोरोना साथीचा आजार विषाणू पसरत असल्याने शासनाकडून लॉकडाऊन करण्यात आले आहे. मात्र या लॉकडाऊनमुळे अवैध धंदे करणाऱ्यांमध्ये वाढ झाली असून गावठी दारूची भट्टी, चढ्या दराने दारूविक्री, गुटखा, गांजा विक्री यासारखे धंदे ५ नंतर तेजीत असल्याची माहिती मिळत आहे. नवी मुंबई पोलीस आयुक्तालयातील परिमंडळ - २ येथील गुन्हे शाखा कक्ष २ चे पोना परेश मात्रे यांना मिळालेल्या बातमीनुसार पनवेल शहर पोलीस ठाणे हद्दीतील जावळे, ता. पनवेल येथे पुंडलिक वामन कडू रा. जावळे ,ता. पनवेल हा बेकायदेशीरपणे गावठी हातभट्टी चालवत असल्याबाबतचे माहिती मिळाल्याने सदर ठिकाणी सहाय्यक पोलीस निरीक्षक गणेश कराड, पोह. सुनील साळुंखे, सचिन पवार, पोना. परेश म्हात्रे, सुनील कुदळे,अभय साबळे यांनी छापा घातला असता असता एकूण २६०० लिटर गावठी दारू तयार करण्याचे रसायन मिळून आले. तसेच सदर रसायन तयार करण्याकरीता लागणारे इतर साहीत्य विजेची मोटार व वीज कनेक्शनला लागणारे वायर  असा एकूण ६७ हजार ८५० रुपयांचा मुद्देमाल हस्तगत करण्यात आला असुन त्याबाबत पनवेल शहर पोलीस ठाणे येथे गु. र. नं.१९१/२०२० भादवी कलम १८८, सह महाराष्ट्र दारूबंदी का.कलम ६५(ग) अन्वये गुन्हा दाखल करण्यात आला असून पुढील तपास गुन्हे शाखा कक्ष २ करीत आहे. दरम्यान गुन्हे शाखेच्या कारवाईने लॉकडाऊन काळात अवैध धंदे करणाऱ्यांचे धाबे दणाणले असून नागरिकांकडून गुन्हे शाखा कक्ष २ च्या कारवाईचे कौतुक होत आहे.