लातूर जिल्ह्यातील सर्व वाईन शॉप ५ मे पासून पुढील आदेशापर्यंत बंद- जिल्हाधिकारी जी.श्रीकांत

लातूर जिल्ह्यातील सर्व वाईन शॉप ५ मे पासून पुढील आदेशापर्यंत बंद- जिल्हाधिकारी जी.श्रीकांत

लातूर:(प्रतिनिधी) दि.४: राज्यशासनाने लॉक डाऊन च्या तिसऱ्या टप्प्यात  ऑरेंज झोनमधील  जिल्ह्यातील  उद्योग व्यवसाय व  इतर आस्थापनांना काही प्रमाणात शिथिलता देण्यात आलेली होती. त्यानुसार ऑरेंज झोन मध्ये असलेल्या लातूर जिल्ह्यातील वाईन शॉप सुरू करण्याची दिनांक ४ मे २०२० पासून  जिल्हा प्रशासनाने मुभा दिली होती. मात्र दि. ०४ मे २०२० रोजी लातूर मधील वाईन शॉप वर सोशल डिस्टन्सचे ( सामाजिक आंतर) पालन होत नसल्याचे दिसून आले.व त्यातून कोरोना विषाणूचा संसर्ग होण्याची शक्यता नाकारता येत नसल्याने दिनांक ५ मे २०२० पासून जिल्ह्यातील सर्व वाईन शॉप बंद ठेवण्याचे आदेश जिल्हाधिकारी जी. श्रीकांत यांनी दिले आहेत.
लातूर जिल्ह्यातील सर्व वाईन शॉप पुढील आदेशापर्यंत बंद करण्याचा निर्णय लातूर जिल्हा प्रशासनाने घेतला असून दि. ४ मे २०२० रोजी रात्री त्याबाबतचे आदेश काढण्यात आले आहेत. या आदेशाचे उल्लंघन केल्यास वाईन शॉप परवानाधारक आणि तेथे विनाकारण गर्दी करणाऱ्यांविरोधात कायदेशीर कारवाई करण्यात येईल, असे निर्देश ही जिल्हाधिकारी श्रीकांत यांनी दिलेत.