गुन्हेगाराचा कर्दनकाळ...नांदेड परिक्षेत्राचे नवे महानिरीक्षक निसार तांबोळी
माझे मित्र आणि एक dashing ऑफिसर म्हणून ज्यांनी आपली कारकीर्द गाजविली असे आपल्या जिल्ह्याचे सुपुत्र,शिरूर अनंतपाळ येथील रहिवासी निसार तांबोळी यांची नांदेड परिक्षेत्र महानिरीक्षक म्हणून आज नियुक्ती करण्यात आली.निसार तांबोळी यांचे शिक्षण परभणी येथे झाले.हिंगोली पासून आपल्या पहिल्या नोकरीची सुरुवात त्यांनी केली.एक पारदर्शक अधिकारी अशी त्यांची प्रतिमा असून त्यांनी महाराष्ट्रातील अत्यंत प्रतिकूल परिस्थितीत संघर्ष करत आपले पदभार स्वीकारले.मुंबई,ठाणे अश्या महत्त्वपूर्ण ठिकाणी त्यांनी आपली जबाबदारी पार पाडली.भ्रष्टाचारमुक्त प्रशासन असा त्यांचा दंडक असून गरिबीची जाण असलेला एक अधिकारी या परिक्षेत्राला मिळाला आहे. लातूर,नांदेड,परभणी,हिंगोली अश्या चार जिल्ह्याचा स्वतंत्र कारभार ते पाहतील.त्यांनी अनेक पदाचा कारभार सांभाळताना कुणावरही अन्याय होणार नाही अशीच भूमिका घेतली,अनेक प्रलोभने धुडकावून लावत एक सजग अधिकारी म्हणून त्यांनी काम पाहिले.आपल्या भागात त्यांची होणारी दमदार एन्ट्री नक्कीच गुन्हेगारीला कर्दनकाळ ठरणार आहे.अत्यंत उच्च विद्याविभूषित असलेले हे कुटुंब नक्कीच ग्रामीण संस्काराचा पगडा त्यांच्यावर आहे.हिंगोली,नाशिक,औरंगाबाद,मुंबई,ठाणे,लातूर अश्या ठिकाणी त्यांनी अनेकांच्या मुसक्या बांधण्याचे काम केले आहे.गुन्हेगारांचा कर्दनकाळ असलेल्या निसार तांबोळी यांची दमदार एन्ट्री नक्कीच या भागातील गुन्हेगारी क्षेत्राला नवी दिशा देईल,अशी अपेक्षा...
"मराठी अस्मितेचा इशारा" व जेवरीकर परिवार तर्फे
त्यांचे स्वागत,अभिनंदन...
संजय जेवरीकर(ज्येष्ठ पत्रकार)
0 Comments