धानोरा येथे आयसीआयसीआय फाऊंडेशनच्या वतीने मोफत नेत्र तपासणी शिबिर व चष्मे वाटप

धानोरा येथे आयसीआयसीआय फाऊंडेशनच्या वतीने मोफत नेत्र तपासणी शिबिर व चष्मे वाटप 

निलंगा:(विशेष प्रतिनिधी/इरफान शेख) निलंगा तालुक्यातील मौजे धानोरा गावात आज दि.02 मार्च वार बुधवारी रोजी आयसीआयसीआय फाऊंडेशनच्या वतीने मोफत नेत्र तपासणी शिबिर व चष्मे वाटप करण्यात आले. या शिबिराचे उद्घाटन डॉ.शिल्पा टाक व सरपंच गोविंद आबा जाधव यांच्या हस्ते करण्यात आले. यावेळी गावातील पुरुष व महिला मोठ्या संख्येने उपस्थित राहून शिबिराचा लाभ घेतला. एकूण 107 नागरिकांची तपासणी  करण्यात आली. ज्या रुग्णांना चष्माचा नंबर आहे अशा लोकांकरिता अल्प दरामध्ये चष्मा उपलब्ध करून देण्यात आला व आय ड्रॉप उपलब्ध करून देण्यात आला, रुग्णांना मोतीबिंदू , डोळ्यावर येणार्‍या पडदा ,डोळ्याची जळजळ, डोळ्यांची घ्यावयाची काळजी, अशा विविध समस्या सोडवण्यासाठी लोकांनी डोळ्यांची काळजी घेतली पाहिजे याबाबतचे मार्गदर्शन डॉक्टर साहेब यांच्या कडून करण्यात आले.  या शिबिराच्या माध्यमातून अनेक ग्रामस्थ उपस्थित राहून या शिबीराचा लाभ घेतला. यावेळी गावचे प्रथम नागरिक सरपंच गोविंद जाधव, डॉ. शील्पा टाक, डॉ. चिवरे मॅडम, नितीन गायकवाड ,करण नरवाडे, हरिविजय भोसले, यशवंत जाधव, नारायण जाधव, बाब्रूवान काळे   तसेच आयसीआयसीआय फाऊंडेशनचे मनिष खेडेकर बालाजी शिंगने यांची उपस्थिती होती या शिबिराचे आयोजन केल्याबद्दल गावकऱ्यांनी ICICI foundation चे आभार मानले.