कारवाईचे दिवस संपले,कामाचे दिवस आले- अप्पर सचिव रोहयो नंदकुमार यांचे प्रतिपादन

कारवाईचे दिवस संपले,कामाचे दिवस आले- अप्पर सचिव रोहयो नंदकुमार यांचे प्रतिपादन

बी डी उबाळे

औसा: औसा विधानसभा मतदार संघाचे आमदार अभिमन्यू पवार यांच्या संकल्पनेतून मतदार संघातील शेतकर्‍यांचा अत्यंत जिव्हाळ्याचा प्रश्न हा शेत रस्ते,शिव रस्ते आणि पानंद रस्ते हा असून शेतकऱ्यांच्या शेतमालाची ने-आण करण्यासाठी आणि पशुधनाचा येण्या-जाण्यासाठी रस्त्या शिवाय मोठ्या अडचणीला तोंड द्यावे लागत होते.आमदार अभिमन्यू पवार यांनी आपला आमदार निधी शेतकऱ्यांच्या शेत रस्त्यासाठी समर्पित केल्यामुळे हजारो किलोमीटरचे मतदारसंघातील रस्ते तयार झाले. मनरेगाच्या माध्यमातून औसा मतदार संघातील कामाने राज्याला दिशा दिली असून आता "कारवाईचे दिवस संपले,कामाचे दिवस आले!"असे प्रतिपादन महाराष्ट्र राज्याचे अप्पर सचिव नंदकुमार जी यांनी केले. नागरसोगा तालुका औसा येथे दिनांक 20 मे रोजी आयोजित मनरेगातुन ग्राम समृद्धी कडे या कार्यशाळेच्या प्रसंगी अप्पर सचिव बोलत होते. आमदार अभिमन्यू पवार यांनी आपल्या प्रास्ताविकातून मतदारसंघात झालेल्या विविध विकास कामाची माहिती सादर करून औसा विधानसभा मतदारसंघातील शेतकऱ्यांच्या विकासाला चालना देण्यासाठी सिंचन विहिरी, शेततळे,गोठे यासह वैयक्तिक व सामूहिक लाभाच्या योजना साठी वाढीव निधी उपलब्ध करून द्यावा असे आवाहन केले,तसेच नगरपालिका क्षेत्रामध्ये महाराष्ट्र ग्रामीण रोजगार योजना राबविता येत नसल्यामुळे नगरपालिका क्षेत्रातील शेतकरी या लाभापासून वंचित राहत आहेत त्यासाठी नगरपालिका स्तरावर ह्या योजना राबविण्याची परवानगी द्यावी असेही आवाहन त्यांनी केले. यावेळी व्यासपीठावर प्रधान कृषी सचिव एकनाथ डवले, विभागीय आयुक्त सुनील केंद्रेकर,विक्रीकर उपायुक्त जी श्रीकांत,लातूरचे जिल्हाधिकारी पृथ्वीराज बी पी,उपविभागीय अधिकारी शोभा जाधव,अधीक्षक कृषी अधिकारी दत्तात्रेय गावसाने, उपविभागीय अधिकारी अविनाश कांबळे,सुहास पाचपुते,आ अभिमन्यू पवार आदी मान्यवरांची उपस्थिती होती, या कार्यक्रमासाठी औसा मतदार संघातील हजारो शेतकरी व शासकीय अधिकारी कर्मचारी उपस्थित होते. सरपंच सौ सरोजा सूर्यवंशी आणि उपसरपंच बंडू मसलकर यांनीही मान्यवरांचे नागरसोगा गावात आगमन झाल्याबद्दल स्वागत केले. कार्यक्रमाचे सूत्रसंचालन पंचायत समितीचे सदस्य दीपक चाबुकस्वार यांनी केले.