औसा तालुक्यात विजेचा तांडव भंगेवाडी शिवारात वीज पडून 3 जनावरे ठा

औसा तालुक्यात विजेचा तांडव भंगेवाडी शिवारात वीज पडून 3 जनावरे ठार

बी डी उबाळे 

औसा: तालुक्यातील भंगेवाडी शिवारामध्ये गुरुवार दि 27 एप्रिल रोजी दुपारी 3:00 वाजण्याच्या सुमारास मेघगर्जनेसह अवकाळी पावसाने हजेरी लावली. भंगेवाडी शिवारातील बब्रुवान कंदगुळे यांच्या शेतात अवकाळी पावसात पशुधनावर वीज पडल्यामुळे दोन बैल आणि एक गाय ठार झाल्याने गरीब शेतकऱ्याचे लाखो रुपयांचे नुकसान झाले आहे. रब्बी हंगामातील शेतकऱ्यांच्या पिकाचे खळे झाल्यानंतर शेतकरी पेरणीपूर्व मशागतीला लागतो. पेरणीपूर्व मशागतीच्या तोंडावरच बब्रुवान कंदगुळे यांच्या शेतातील बैल तसेच दुभती गाय वीज पडून मृत्यू झाल्यामुळे या शेतकऱ्याचे लाखो रुपयांचे नुकसान झाल्याने शेतकऱ्यावर आर्थिक संकट कोसळले.

वीज पडून एकाच शेतकऱ्याची तीन जनावरे दगावल्यामुळे गावात हळहळ व्यक्त केली जात आहे. औसा तालुक्यातील पावसाच्या वीज तांडवामुळे शेतकऱ्याची आर्थिक मोठे नुकसान झाले आहे त्यामुळे औशाचे कर्तव्यदक्ष तहसीलदार भरत सुर्यवंशी यांनी याबाबत त्वरित शासन स्तरावर कार्यवाही करून त्या शेतकरी कुटुंबाला आर्थिक मदत मिळावी अशी मागणी केली जात आहे.