महात्मा फुले मागासवर्ग विकास महामंडळाच्या कर्ज योजनांसाठी अर्ज करण्याचे आवाहन

महात्मा फुले मागासवर्ग विकास महामंडळाच्या कर्ज योजनांसाठी अर्ज करण्याचे आवाहन

ऑनलाइन अर्ज सादर करण्याची अंतिम मुदत – ३१ ऑगस्ट २०२५

लातूर (जिमाका) दि. १९ - महात्मा फुले मागासवर्ग विकास महामंडळाच्या लातूर जिल्हा कार्यालयामार्फत सन २०२५-२६ या आर्थिक वर्षासाठी विविध कर्ज योजना राबविण्यात येणार आहेत. यामध्ये अनुदान योजनेत ९०, बीज भांडवल योजनेत ९० तर थेट कर्ज योजनेत ३८ कर्ज प्रकरणांचे उद्दिष्ट निश्चित करण्यात आले आहे.

या योजनांचा लाभ अनुसूचित जाती व नवबौद्ध समाजातील इच्छुक उमेदवारांनी घ्यावा, असे आवाहन महामंडळाच्या जिल्हा व्यवस्थापकांनी केले आहे. इच्छुकांनी ३१ ऑगस्ट २०२५ पर्यंत https://mahadisha.mpbcdc.in/schemes या संकेतस्थळावर ऑनलाइन अर्ज सादर करणे आवश्यक आहे. अर्जासोबत जातीचा दाखला, उत्पन्नाचा दाखला, रेशनकार्ड, आधारकार्ड, पॅनकार्ड, कोटेशन, प्रकल्प अहवाल, व्यवसायाच्या जागेचा पुरावा, दोन पासपोर्ट आकाराचे फोटो तसेच व्यवसायाचे परवाना (लायसन्स) यांची छायांकित प्रती जोडणे बंधनकारक आहे. स्वतःचा व्यवसाय सुरू करण्यासाठी तसेच आर्थिक स्थैर्य मिळविण्यास इच्छुकांनी दिलेल्या वेळेत अर्ज दाखल करावेत, असे जिल्हा व्यवस्थापकांनी आवाहन केले आहे.