धाराशिवच्या खेळाडूंची राज्यस्तरीय तायक्वांदो स्पर्धेसाठी निवड

धाराशिवच्या खेळाडूंची राज्यस्तरीय तायक्वांदो स्पर्धेसाठी निवड

धाराशिव: जिल्हा क्रीडा परिषद व जिल्हा क्रीड़ा अधिकारी कार्यालय, लातूर यांच्या संयुक्त विद्यमाने क्रीडा युवक सेवा संचालनालय, महाराष्ट्र राज्य, पुणे यांच्या मार्गदर्शनाखाली विभागस्तरीय शालेय तायक्वांदो स्पर्धा २४ व २५ सप्टेंबर २०२५ रोजी बॅडमिंटन हॉल, जिल्हा क्रीडा संकुल, औसा रोड, लातूर येथे यशस्वीपणे पार पडली. दरम्यान, धाराशिव येथील तायक्वांदो खेळाडूंनी उत्कृष्ट कामगिरी करून दिनांक १३ ते १६ ऑक्टोबर २०२५ रोजी छत्रपती संभाजीनगर येथे होणाऱ्या राज्यस्तरीय शालेय तायक्वांदो स्पर्धेसाठी ३१ खेळाडूंनी आपली निवड निश्चित केली आहे. यशस्वी खेळाडूंचा जिल्हा तायक्वांदो असोसिएशनच्या वतीने दिनांक १ ऑक्टोबर रोजी सत्कार करण्यात आला. 

यामध्ये मुलांच्या वयोगटातून (१४, १७ आणि १९ वर्षे) रोहित गोरे, समर्थ कदम, अर्णव ढेकणे, प्रणित बनसोडे, अंश गायकवाड, अनुराग पाटील, संघर्ष कांबळे, अथर्व गरड, राधेश ढेकणे, विनीतकुमार रंगदळ, ऋत्विक ठाकर, हर्षवर्धन शिंदे, किरण हिंगमिरे, मल्लिकार्जुन कोणे, ऋतुराज मोरे तर मुलींच्या वयोगटातून (१४, १७ आणि १९ वर्षे) वैभवी सगट, सृष्टी जगदाळे, ज्ञानेश्वरी कुंभार, प्रांजल भुतेकर, क्षितिजा निंबाळकर, संस्कृती कपाळे, संस्कृती नलावडे, श्रेयशी सरपाळे, स्वरा कांबळे, स्वरा फडकुले, मृणाल हजारे, तेजस्विनी बांगर, मधुरा महाजन, स्वराली पडवळ, सफल केसकर, वैष्णवी साळुंके या यशस्वी खेळाडूंचे धाराशिव जिल्हा तायक्वांदो असोसिएशनचे अध्यक्ष धनंजय रणदिवे, उपाध्यक्ष जि. बी. कासराळे, सचिव राजेश महाजन, सहसचिव सूर्यकांत वाघमारे, अनिल बळवंत, रवी जाधव, आणि श्री तुळजाभवानी क्रीडा प्रबोधिनीचे सचिव कुलदीप सावंत यांच्या हस्ते सत्कार करण्यात आला. विजेत्या खेळाडूंना राजेश महाजन, राम दराडे, माधव महाजन आणि सुमेध चिलवंत यांचे मार्गदर्शन लाभले.