प्रकाश आंबेडकर यांच्या वाढदिवसानिमित्त शंभर पीपीई किटचे वाटप

प्रकाश आंबेडकर यांच्या वाढदिवसानिमित्त शंभर पीपीई किटचे वाटप

अकोला:(प्रतिनिधी) दि १० वंचित बहुजन आघाडीचे अध्यक्ष बाळासाहेब आंबेडकर यांच्या वाढदिवसा-निमित्त अकोल्यात 'स्वाभिमान सप्ताहा अंतर्गत' १०० पीपीई किटचे वाटप करण्यात आले. जिल्हा सामान्य रूग्णालय व शासकीय वैद्यकीय महाविद्यालयांना या किट देण्यात आल्या. अकोला वंचित बहुजन आघाडी तर्फे या कार्यक्रमाचे आयोजन करण्यात आले होते. यावेळी प्रदेश प्रवक्ता डॉ. धैर्यवर्धन पुंडकर, राजेंद्र पातोडे, महिला आघाडी प्रदेश महासचिव अरूंधती सिरसाट, भारिपचे जिल्हाध्यक्ष प्रदिप वानखडे, वंचितचे जिल्हाध्यक्ष प्रमोद देंडवे उपस्थित होते. शासकीय वैद्यकीय महाविद्यालय प्रशासनचे डॉ पावळे, डॉ. सिरसाम, डॉ. च-हाटे यांनी या किटचा स्वीकार केला.
या वेळी महिला आघाडी जिल्हाध्यक्ष प्रभा सिरसाट, जिल्हा परिषद अध्यक्ष प्रतिभा भोजने, सभापती चंद्रशेखर पांडे गुरूजी, सभापती आकाश सिरसाट, सभापती पंजाबराव वडाळ, महानगर अध्यक्ष शंकर इंगळे, गटनेता ज्ञानेश्वर सुलताने, सम्यक जिल्हाध्यक्ष राजकुमार दामोदर, मनोहर पंजवानी, सचिन शिराळे, बुध्दरत्न इंगोले, रणजित वाघ, नितेश किर्तक, शेख साबीर, मनोहर बन्सोड, जय रामा तायडे, गजानन दांडगे, पराग गवई, नितीन सपकाळ उपस्थित होते. 
तत्पूर्वी सकाळी सभापती पांडे गुरूजी यांच्या सहकार्याने जयदिप पळसपगार व कार्यकर्ते यांनी उमरी येथे ३०० गरजू नागरिकांना धान्य किटचे वाटप केले. बाळासाहेबांचा वाढदिवस हा राज्यात स्वाभिमान सप्ताह म्हणून साजरा करण्यात येत आहे. त्यानिमित्त राज्यात विविध कार्यक्रमांचे आयोजन करण्यात आले आहे. राज्य प्रसिद्धी प्रमुख सुरेश नंदिरे यांनी ही माहिती दिली.