नळेगावात कोरोनाचा शिरकाव, सात जणांना कोरोनाचा संसर्ग

नळेगावात कोरोनाचा शिरकाव; सात जणांना कोरोनाचा संसर्ग 

नागरिकांनी प्रशासनाने दिलेल्या सुचना व नियमांचे काटेकोरपणे पालन करण्याचे प्रशासनाचे आवाहन 

मास्क न वापरणाऱ्या कडून ४२०० दंड वसुल                

मास्क न लावणाऱ्यास तहसीलदार डॉ. शिवानंद बिडवे यांनी ठोठावला दंड नळेगाव येथील कोरोना बाधित क्षेत्राची पाहणी करून चाकूरकडे परत असतांना नळेगावातील एका मेडिकलवाला मास्क न लावता व्यवहार करीत असलेले निदर्शनास येताच त्यांनी आपली गाडी थांबवली. सदर दुकानदाराला दोन हजार रुपये दंड ठोठावला.व अन्य दोघांना २२०० रू दंड ठोठावला.एका दिवसांत ४२००रु.दंड वसूल करण्यात आला.नळेगाव येथील ग्रा.पं.त .नव्यानेच आलेले ग्रामसेवक आर.जी.कांबळे यांनी दंडाची पावती फाडून दंड वसूल केला. प्रशासन वेळोवेळी मास्क वापरण्या संदर्भात सूचना करीत आहे.नागरिकांनी स्वत: च्या व परिवारांच्या काळजी म्हणून तरी प्रशासनाने केलेल्या सूचनांचे पालन करावे. घरी राहा सुरक्षित राहा.विना कारण बाहेर पडू नये.असे आवाहन तहसीलदार डॉ.शिवानंद बिडवे यांनी केले आहे. -तहसिलदार डॉ.शिवानंद बिडवे,

चाकूर:(ता.प्र.सलीमभाई तांबोळी) दिवसेंदिवस सर्वत्र कोरोनाचा प्राद्रुर्भाव वाढत आहे.लातूर जिल्ह्यात सुद्धा कोरोना बाधित रूग्णांची संख्या दीड हजारांहून पुढे सरकली आहे.चाकूर तालुका कोरोना पासून तिसऱ्या लाॅक डाऊन पर्यंत निरंक होता.मात्र आता कोरोना हा चाकूर शहरासह ग्रामीण भागात चांगलाच शिरकाव करतो आहे. तालुक्यात दिवसेंदिवस कोरोनाचे रुग्णांच्या संख्येत वाढ होत आहे.चाकूर तालुक्यातील वडवळ नागनाथ,सुगाव ,नागेशवाडी,लातूररोड ,चाकूर आदी ठिकाणी कोरोना पाॅझिटीव्ह रूग्ण निघाले होते.सोमवार दि.२७ रोजीच्या अहवालात नळेगाव येथील एक महिला व एक पुरुषाचा अहवाल कोरोना पाॅझिटीव्ह आला. मंगळवार दि. २८ जुलै रोजी तहसीलदार डॉ.शिवानंद बिडवे यांनी नळेगाव येथे सकाळी कोरोना बाधित क्षेत्रास भेट दिली व तो परिसर सील करण्याच्या सूचना देऊन परिसर सील करण्यात आला त्या परिसरांची फवारणी करण्यात आली. दोन रूग्णाच्या संपर्कात आलेल्या व्यक्तीना होम क्वारंटाईन राहण्या संदर्भात सूचना देण्यात आल्या यावेळी तालुका आरोग्य अधिकारी डॉ.अर्चना पंडगे, वैद्यकीय अधिकारी डॉ.राजकुमार टकटवळे, डॉ.सुधीर चव्हाण , सहायक पोलीस निरीक्षक बालाजी तोटेवाड, ग्रामसेवक आर.जी.कांबळे,तलाठी अविनाश पवार, अॅड.घृष्णेश्वर मलशेट्टे,दत्ता राजमाने , आरोग्य कर्मचारी, पोलिस कर्मचारी गणेश बुजारे, अविनाश शिंदे, हणमंत भुसे, मामडगे सदानंद क्षीरसागर,ग्रा.पं.कर्मचारी जमील बागवान, भगवान कांबळे , सुधाकर क्षीरसागर,आनंद दांडे, विजय शेलार, धनराज सुर्यवंशी,सुरेश सोनवणे, आशा कार्यकर्ती आदी उपस्थित होते. दोन कन्टेमेंट झोन करण्यात आले आहेत. परिसर सील करण्याच्या सूचना देत असतांना त्यांच्या संपर्कात आलेल्या व्यक्तीच्या तपासणी करण्याच्या सूचना देण्यात आल्या. आरोग्य विभागाच्या वतीने तात्काळ बाधिताच्या अति संपर्कातील २५ व्यक्तीची अॅन्टीजेंन टेस्ट करण्यात आली.त्यात पाच जणांचा अहवाल पाॅझिटीव्ह निघाला असल्याची माहिती चाकूर तहसीलदार डॉ.शिवानंद बिडवे व तालुका आरोग्य अधिकारी डॉ.अर्चंना पंडगे यांनी दिली. अहवाल पाॅझिटीव्ह आल्याचे वृत्त समजताच नळेगावात भीतीचे वातावरण निर्माण झाले आहे.लाॅक डाऊन असल्याने बाजार पेठ बंदच आहे. चाकूर तालुक्यातील कोरोना बाधितांची एकूण संख्येत वाढच होत आहे. आतापर्यंत नळेगाव हे कोरोना पासून निरंक होते मात्र अचानक सात रूग्ण पाॅझिटीव्ह निघाल्याने लोकांच्या मनात भीती निर्माण झाली आहे. कोरोना बाधित.सात पैकी दोन जण लातूर येथे उपचार घेत असून उर्वरित पाच जणांना चाकूर कोविड सेंटर येथे उपचारासाठी दाखल करण्यात आले आहे. या सात रूग्णांत दोन पुरुष व पाच महिलांचा समावेश आहे.प्रशासनाच्या वतीने सर्वोतोपरी कोरोनाला रोखण्यासाठी प्रयत्न केले जात आहेत. नागरिकांनी प्रशासनाला सहकार्य करण्याची गरज आहे. दिवसेंदिवस कोरोना बाधितांची संख्या वाढत आहे. चाकुर तालुक्यातील विविध गावात शिरकाव करू पाहणाऱ्या कोरोनाचा प्राद्रुर्भाव रोखण्यासाठी नागरिकांनी घरा बाहेर न पडता घरीच थांबून प्रशासनाला सहकार्य केले पाहिजे मीच माझा व कुटुंबाचा रक्षक या भूमिकेतून प्रशासनाने दिलेल्या सूचनांचे व नियमांचे काटेकोरपणे पालन करावे. घरी राहा सुरक्षित राहा असे आवाहन चाकूर तहसीलदार डॉ.शिवानंद बिडवे यांनी केले आहे.     

कोविडची लक्षणे जाणवत असल्यास प्राथमिक आरोग्य केंद्र नळेगाव येथे तपासणी करुन घ्यावी नागरिकांनी विनाकारण घराबाहेर पडु नये.मास्कचा वापर करावा सोशल डिस्टन्सचे पालन करावे. असे आवाहन तालूका आरोग्य अधिकारी डॉ.अर्चना पंडगे यांनी केले आहे.

-डॉ.अर्चना पंडगे

तालुका आरोग्य अधिकारी चाकुर