लातूर जिल्हयात नियमीत वीजपुरवठा होईल यांची दक्षता महावीतरणने घ्यावी
लातूर शहरात अंडरग्राऊंड वीजवाहीन्या टाकण्याचा प्रस्ताव तयार करावा
महापालीकेला सौर ऊर्जा प्रकल्पासाठी तांत्रीक सहकार्य करावे- पालकमंत्री अमित विलासराव देशमुख
लातूर:(प्रतिनिधी) लाातूर जिल्हयातील वीज पुरवठा नियमित करावा कमीतकमी वेळेत रोहीत्र दुरूस्त करून दयावेत, रब्बी हंगामात शेतकऱ्यांना वीजपुरवठा बाबत कोणतीही अडचण येऊ नये अशी व्यवस्था उभारावी अशा सुचना करून लातूर शहरातील वीज वाहिन्या अंडरग्राउंड करण्या बाबत आराखडा आणि प्रस्ताव तयार करण्याचे निर्देश वैद्यकीय शिक्षण व सांस्कृतिक कार्यमंत्री तथा पालकमंत्री अमित देशमुख यांनी सोमवारी आढावा बैठकी दरम्यान दिले आहेत. राज्याचे वैद्यकीय शिक्षण व सांस्कृतिक कार्यमंत्री तथा लातूर जिल्ह्याचे पालकमंत्री अमित विलासराव देशमुख यांनी आज सोमवार दिनांक १७ ऑगस्ट रोजी लातूरच्या शासकीय विश्रागृहावर महावितरण कंपनी अधिकाऱ्यां सोबत जिल्हयातील वीजव्यवस्थे बाबत आढावा बैठक घेतली. या आढावा बैठकीत महावितरण कडून लातूर जिल्ह्यातील वीज वितरण व अन्य कामाची माहिती घेण्यात आली. लातूर जिल्ह्यातील वीजवीतरणाचे जाळे, एकुण व्यवस्था यांची माहीत घेतल्या नंतर जिल्यात अखंडीत वीज देण्यासाठी आणखी उभारावयाच्या व्यवस्थे बाबत प्रस्ताव सादर करण्याचे निर्देश पालकमंत्री यांनी संबंधितांना दिले. जिल्हयातील हॉस्पिटल, उदयोग, व्यवसाय यांना नियमीत वीज पुरवठा व्हावा याची दक्षता घेण्याची सुचनाही त्यांनी केली. यावर्षी समाधानकारक पाऊस पडत आहे. त्यामुळे रब्बी हंगामासाठी शेतकऱ्यांना पाणी उपलब्ध होणार आहे. या पाण्याचा उपसा करण्यासाठी शेतकऱ्यांना त्यांच्या कालावधीत अखंडीत वीज पुरवठा होईल यांची दक्षता घ्यावी. ऑईल उपलब्ध नाही म्हणून रोहीत्र दुरूस्तीचे काम रखडू नये. रोहीत्र दुरूस्त करणाऱ्यावरच ऑईल उपलब्ध करून देण्याची जबाबदारी सोपवावी अशी सुचनाही त्यांनी केली. लातूर महापालीका सोलार प्रकल्प उभारणीचे नियोजन करीत आहे. त्यासाठी महावितरणने तांत्रीक माहीत आणी सहकार्य करावे अशी सुचना पालकमंत्री देशमुख यांनी यावेळी केली. या बैठकीस मनपा महापौर विक्रांत गोजमगुंडे, जिल्हा काँग्रेस अध्यक्ष श्रीशैल उटगे, शहर जिल्हा काँग्रेस अध्यक्ष किरण जाधव, अभय साळुंके, विजय निटुरे, दगडूसाहेब पडिले, आयुक्त देविदास टेकाळे, महावितरणचे मुख्य अभियंता आर.आर.कांबळे, अधीक्षक अभियंता एस.जी.कटके, लातूर मंडळ अधीक्षक अभियंता व्ही.आर.ढाकणे, कार्यकारी अभियंता मदन सांगळे यांची उपस्थिती होती.
0 Comments