आधार प्रतिष्ठान भादाकडून महाआरोग्य सर्व रोग निदान शिबिराचे आयोजन

आधार प्रतिष्ठान भादाकडून महाआरोग्य सर्व रोग निदान शिबिराचे आयोजन

बी डी उबाळे

औसा: तालुक्यातील भादा येथे आधार प्रतिष्ठान कडून सर्व रोग निदान महा आरोग्य शिबिराचे आयोजन करण्यात आलेले आहे. रमजान ईद,अक्षय तृतीया,परशुराम जयंती,महात्मा बसवेश्वर जयंती निमित्त शनिवार दिनांक 22 एप्रिल 2023 रोजी सकाळी 09:00 ते 01:00 पर्यंत ग्राम पंचायत शेजारी भादा येथे या शिबिराचे आयोजन करण्यात आले आहे. या शिबिराचा लाभ घेण्यासाठी औसा तालुक्यातील आणि भादा परिसरातील नागरिकांनी मोठ्या प्रमाणात सहभाग नोंदवावा असे आवाहन आधार प्रतिष्ठान भादाकडून करण्यात आले आहे.

या शिबिरामध्ये प्रमुख पाहुणे म्हणून डॉ हनुमंत किनीकर न्यूरोसर्जन सह्याद्री सुपर स्पेशालिटी हॉस्पिटल लातूर, डॉ श्यामसुंदर पाटील,फिजिशियन हृदयरोग मधुमेह तज्ञ लातूर आणि प्रमुख उपस्थिती डॉ रोहन राम हुडगे डॉ. प्रमोद लोकरे, डॉ आशा राहुल हावरे, डॉ श्रीप्रसाद आलूरे, डॉ स्वाती शेळके-पाटील,डॉ हेमंत केंद्रे आणि उदयगिरी लॉन्स धर्मादाय नेत्र रुग्णालय लातूर यांच्याकडून मोफत नेत्र रोग तपासणी व मापक दरात शस्त्रक्रिया शिबिर आयोजित करण्यात आलेले आहे. या शिबिराचा लाभ घेण्यासाठी संपर्क प्रशांत पाटील, बालाजी उबाळे, रियाज खोजे, मनोज पाटील यांच्याशी संपर्क साधावा असे आवाहन आधार प्रतिष्ठान भादा कडून करण्यात आलेले आहे.